Ongizate- eta zaintza-politiken esparruan epe luzerako estrategiak diseinatzeko, akordio sendoak egin behar dira gizarte-eragileen eta hirugarren sektoreko erakundeen artean. Akordio horietan sakontzeko asmoz, Eusko Ikaskuntzak hiru foro antolatu ditu zaintzaren arloan estrategikoak diren gaiak lantzeko. Foroetako hirugarrena joan den urriaren 16an egin zen, Donostian, eta aldaketa demografikoa eta belaunaldi-konpromisoa izan zituen ardatz. Aubixa Fundazioa bertan izan zen gure patroi Inmaculada Sánchezen parte-hartzearekin.
