Gipuzkoan, 57 urtetik gorako hamar pertsonatik zazpik ez diete beren ondorengoei edo familiakoei zaintzaren ardura eskualdatu nahi.
BIBE (Bizitza Berria eta Betea) proiektuaren ondorioetako bat da. Eusko Jaurlaritzak eta Gipuzkoako Foru Aldundiak, ADINBERRIren bitartez, hilaren 24an Lezon itxiera ekitaldia egin zuten. Gipuzkoatik bizitza-luzeraren eta bizitza osoaren paradigma berria garatzeko ekarpen bat izateko asmoz sortu zen ekimen hau. Urtebetez, 1.000 pertsonak baino gehiagok zahartzaroan zentzuz eta esanahiz bizi izanari buruzko gogoeta egin dute, ikerketa-proiektu baten eta herritarrekiko partaidetza-prozesu baten esparruan.
BIBE proiektua bi fasetan garatu da: bata ikertzailea, Aubixa Fundazioak gidatua, eta bestea Lezon ezartzekoa. Bertan, ehun herritar ingururekin dinamikak egin dira Bibetoki izeneko gune batean, Aptes, Helduak Adi eta Apitropiken eskutik, eta Lezoko eta Aguijupenseko Aitona-Amonen Borda erretiratuen elkarteak parte hartu du.
Ekitaldian izan ziren Eider Mendoza diputatu nagusia, Marian Olabarrieta Eusko Jaurlaritzako Bizitza Osorako Laguntza zuzendaria, Maite Peña Zaintza eta Gizarte Politiketako diputatua, Rakel San Sebastián Adinberriko zuzendaria eta Mikel Arruti Lezoko alkatea, bai eta patronatuko ordezkaritza zabala eta gure fundazioko profesionalak ere.