Aubixa Fundazioak eta Tknikak 6. Máximo Goikoetxea – Lotzen Sariaren jardunaldia ospatuko dute abenduaren 12an Donostiako Aquariumeko ekitaldi aretoan, “zaintzen duten teknologien” papera erdigunean jarrita, zahartzen ari den gizarte baten testuinguruan. Jardunaldian Lanbide Heziketako ikasleen proiektuak aurkeztuko dira; proiektu horiek zaintzan eta zahartze-prozesuetan teknologia txertatzeko proposamen berritzaileak egiten dituzte, autonomia pertsonala, harreman sozialak eta belaunaldien arteko kohesioa sustatuz.

Horrez gain, jardunaldian gaiarekin lotutako hitzaldi eta ponentziak izango dira, non hainbat profesionalek tresna horiek ekartzen dituzten aukerak eta sortzen dituzten erronka etiko eta sozialak aztertuko dituzten. Era horretan, elkarrizketarako gunea izango da, zaintza-eredu justuago, inklusiboago eta iraunkorragoak eraikitzen laguntzeko.

Jardunaldia 6. Máximo Goikoetxea – Lotzen Sariaren banaketarekin amaituko da, zaintzen duten teknologiei buruzko gazteen ikuspegia eta lana aitortuz.