Gurutzetako Unibertsitate Ospitaleak Euskadiko Erizaintza Neurologikoaren 1. Jardunaldia hartu zuen. Topaketa aitzindaria izan da, eta Euskadi osoko erizaintzako profesionalak bildu ditu, gaixotasun neurologikoak dituzten pertsonen zaintzari buruzko ezagutzak, berrikuntza eta ikerketa partekatzeko. Bertan izan zen Aubixa Fundazioa.

«Indarrak elkartuz zaintza neurologikoaren bikaintasunerantz» lelopean, jardunaldiak erizaintza neurologikoaren egungo eta etorkizuneko erronkak jorratu zituen, adimen artifizialetik eta zaintza aurreratuetatik hasi eta arreta eta ebidentzian oinarritutako praktika humanizatzeraino.