Maggie oso neskato lotsatia da, bere munduan bizi dena. Fantasia batek babesten du, eta, besteak beste, errotulagailu magikoekin marrazten duen guztia errealitate bihurtzen dela sinetsarazten dio. Zorte handia da bizitza horrela ikustea, bere istorioa tristea baita: amak utzi egin zuen haurra zenean, eta aitonarekin hazi da, bere gazteluan zoriontsu sentitzen baita, etxetxo ñimiño batean. Baina aitona nor den ahazten ari da, dementzia du, eta udaleko gizarte-laguntzaileek banandu egin nahi dituzte, bakoitza zentro batera bidali. Maggiek ezin du onartu, aitona da daukan guztia, eta amaren bila joatea erabakitzen du, bera baita banandu ez ditzan gai den bakarra. Jada ez du uste sirena bat denik, aitonak txikitan kontatzen zion bezala; sirena bat, uretatik kanpo arnasa hartu ezin zuelako itsasora itzuli behar izan zuena. Bere kaxa batean aurkitu du droga, eta, etsita, berunezko Bilbo hartako kaleetara abiatu da, ezagutzen duen drogazaleren bat aurkitu eta bertara eramateko asmoz. Zorionez, ez dago bakarrik arriskuaren aurrean: aitonak laguntzen dio, barrikadaz betetako hiri baten hondoan barrena bilaketa horretaz gozatzen ari baita, abentura zoragarria balitz bezala.
Bere adineko bizilagun batek ere lagunduko dio, bera bezain errugabea, eta logelako horman bizi den mamu batek, zeinarekin bere sekretu guztiak partekatzen dituen. Gainera, mirarizko marrazkien boterea du, eta bere mundua salbatzen saiatuko da, magiaz beteriko mundu bat, baina, hala ere, ihes egin beharko dio berriro zoriontsu izateko.
