Izenburu hori izan liteke Donostia Lagunkoiako Talde Motorraren saio batera hurbilduko gintuena. Aubixa gonbidatu zuten, belaunaldien arteko itunaren gaian zuen inplikazio bereziagatik.
Jardunaldiak gogoeta egin nahi zuen ikuspegi estrategiko batetik: belaunaldien artekoan pentsatzen dugunean, zertan ari gara pentsatzen? Zer iruditzen zaigu? Nola islatzen da gure praktiketan? Erronka bat da?
Jardunaldiak esku-hartze interesgarria izan zuen Rosa Jimenezen eskutik. Rosa Jiménez, besteak beste, Madrilgo MediaLab Pradoko 0-99: belaunaldien arteko kanpamentua bezalako proiektuen sustatzailea izan zen. Horren ondoren, bertaratutakoen arteko hausnarketari bide eman zitzaion, eta belaunaldien arteko erronka horren errepresentazioa eta etorkizuna hainbat ikuspegitatik azaltzeari.
