Aubixa Fundazioko arkitektoa den Marijo Morenok Gerontologia eta Geriatriaren 23. Mundu Kongresuan parte hartu du Associations between the physical environment and well-being in older adults of long-term care homes (Iraupen luzeko zainketa-zentroetako adineko pertsonen ingurune fisikoaren eta ongizatearen arteko loturak) izeneko posterraren aurkezpenarekin.

Lan honek iraupen luzeko zainketa-zentroetako ingurune fisikoaren eta bertan bizi diren adineko pertsonen ongizatearen arteko harremana aztertzen du, eta espazioen diseinuak zahartzaroan bizi-kalitatea sustatzeko duen garrantzia nabarmentzen du.

Nazioarteko kongresu honetan parte hartzeak aukera ematen du ezagutza partekatzeko eta Aubixa Fundazioan adineko pertsonen ongizatea sustatzen duten inguruneak garatzeko egiten den lana nazioartean ezagutarazteko.

Zorionak, Marijo, egindako ekarpenagatik!